Unang madaling araw ng lamay

UNANG MADALING ARAW NG LAMAY

ay, kagabi nga'y madali akong nahimbing
sa upuan, madali rin akong nagising
ng madaling araw, ang iba'y tulog na rin
nagutom kaya bumangon ako't kumain

nais kong pumikit ay di na makatulog
nahiga lang sa bangkô, buti't di nahulog
kundi'y lagapak ka't ang ulo'y mauuntog
sa sahig, habang nangangarap ng kaytayog

kayraming nagmamahal kay Libay, dumalaw
kagabi, kaya tulog ko'y sadyang kaybabaw
nalimutan ko pa ang jacket ko't kayginaw
ay, ang higaan ng mahal ko'y tinatanaw

ako'y naluluha, bakit nangyari ito?
kanina'y buhay, ngayon, wala nang totoo

- gregoriovbituinjr.
06.16.2025

Mga Komento

Mga sikat na post sa blog na ito

Ang pagbabaraha

Sa paglulunsad ng librong "Pauwi sa Wala" ni Jim Libiran

Dalawang anekdota sa pinuntahan kahapon